Forord til betraktinger rundt 2. Peters brev

I de følgende dagene vil jeg legge ut tekstbetraktninger som er skrevet for Siesta, Bibelleseringens leseplan for tenåringer. Publiseringene følger datoene og tekstene for denne uka. Mer info om Siesta finner du på www.bibelsiesta.no

Hvor mange ganger har du hørt noen lese eller tale fra 2. Peters brev? Ikke så mange, nei. Egentlig er det litt rart. For med alle de tankene, idéene og forestillingene vi støter på når det gjelder tro og livssyn i våre dager, har vi masse å hente i her. De første som leste brevet levde i en jungel av ulike folkeslag og kulturer, romerske guder, gresk filosfi og jødisk tradisjon. Derfor oppmuntre denne lille boka i Bibelen deg til å stole på at Gud har gitt deg det som skal til for å leve for ham. Peter ber hver av oss om å være nøye med det vi er med på og ta tak hvis liv og lære sklir fra hverandre.

Å møte åpenbare motstandere er en ærlig sak. Men når det er venner som havner på ville veier er det verre å si stopp, og verst av alt er det når noen bruker troen og menighetsfellesskapet som om det var en realityserie på TV. Det gir kirken et dårlig rykte og gjør det vanskelig å nå ut med evangeliet.
Fakta om 2. Peters brev:
Det er skrevet ca. 64 e. Kr. Forskerne har ikke funnet noen avgjørende grunner til å tro at det er skrevet av noen andre enn Peter. Brevet er ikke rettet til noen spesiell menighet, men er beregnet på alle kristne mennesker og menighetene der de finnes.

Den som ventar på noko godt...

Tekst for søndag 14. juni 2009: Luk. 16,19-31 - www.bibel.no

Det har hengt ei tung og grå sky av misnøye over delar av juniorlaget her heime i det siste. Det har ingen ting med eksamen eller andre alvortunge emne å gjere, men det pregar likevel stemninga. Saken er at den nye Star Trek-filmen hadde premiere 8. mai, men blir ikkje å sjå i Førde før langt ute i juni. Lenge etter at ‘alle andre’ har sett den og jubla seg ferdige. Handlinga, effektane og replikkane er omtalte og analysert på internett. Frustrasjonen har altså ikkje med kva som går på kino, men med kva som ikkje blir vist. Når teppet går til sides om ei veke er det berre smulane att av spenninga ved å oppleve ein ny klassikar innan science fiction.

Det er ikkje greit å kjenne seg satt tilsides. Vi lever i ei utålmodig tid og er vant til å kreve det vi vil ha med ein gong. Må vi vente ein dag eller stå ti minutt i kø, kjem det raskt misnøgde kommentarar. Tålmodigheit og eit auge med kva andre strir med har trange kår. Dette kjem ikkje minst til syne i debatten rundt piratkopiering og fildeling. - Kva rett har film- og musikkbransjen til å bestemme kva eg skal sjå og når eg vil sjå det? Kvifor kan ikkje dei nye TV-seriane visast her samstundes som i USA? Før var det å sleppe andre til ein god ting å gjere. I dag risikerer du å bli stempla som spak og lite brukeleg. Smil til verda, og verda brølar tilbake.

Bibeltekstane på søndagane etter pinse prega av tekstar som fortel noko om livet med Guds ande. Poenget i likninga Jesus fortel om den rike mannen og Lasarus er ikkje at det er noko galt i å vere rik og unne seg gode dagar. Den rike mannen gjer ikkje Lasarus noke vondt. Han utnyttar han ikkje og jagar han ikkje på dør. Problemet er at han ikkje gjer noko som helst verken av godt eller vondt mot stakkaren. Lasarus er berre ein del av landskapet og lite akta på. Slik er det ikkje hos Gud. Han ser deg. Sjølv om du ikkje får svar på bøna di med det same, vil han sørge for alt du treng heilt inn i evigheita. Så slapp av og sjå om det er nokon som treng deg.

God helg og Guds signing!

---

Publisert i firda.no, fredag 12. juni 2009

Då Gud kasta perler for svin

Tekst for søndag 5. april 2009: Joh. 12,1-13 - www.bibel.no

Denne veka var eg i Solund for første gong. Det er over tjue år sidan eg fór på friarføter frå austlandet til Hyllestad og snart tolv år sidan eg busette meg i Sunnfjord. Men eg fann altså ikkje høve tidlegar til å køyre bilen min i land på Krakhella. No har eg med sjølvsyn sett kva vegstyresmaktene synest er godt nok i forhold til trafikkgrunnlag og folketal. Sjølv om asfalten er så smal at speglane nesten tek i brøytestikkene på begge sider sitt bevilgningane langt inne. Og får Riksantikvaren frede vegen, må det vel byggast ein ny. Men er det lettare å få det inn i budsjettet?

«Vi har gang- og sykkelsti. Det er ein veg vi manglar.» Det sa ein lokal politikar som var med samferdslekomitéen på Stortinget på synfaring langs riksvegen mellom Førde og Askvoll. Det er skremmande akseptert politikk at folk i grisgrendte strøk må tåle færre og dårlegare ytingar frå fellesskapet enn meir tettbygde stader. Eg kan tydeleg høyre ekkoet fra kasseraren Judas i bibelteksten når eg les oppslag om budsjett og økonomi i avisene. Maria svidde faktisk av ei heil årsløn på Jesus den kvelden. Nardussalven ho helte ut over føtene hans var ei eksklusiv importvare forbeholdt rikfolk og høgtidlege høve, som oftast gravferder. Sjølv om Judas var ein hyklersk tjuvradd med utstrakt dobbeltmoral, skjønar eg at han reagerte. Jesus var trass alt framleis høgst oppegåande og midtpunktet i festen.

Det har aldri vore god økonomi å kaste perler for svin. Men kven som er kastarar, perler eller svin er ikkje alltid like sjølvsagt. Det er opp til auget som ser og kva verdiar ein legg til grunn for vurderinga. Eg er bokstaveleg talt sjeleglad for at Jesus ikkje brukte Judas som konsulent før inntoget i Jerusalem. Då er eg redd vi ikkje hadde hatt nokon palmesøndag å feire. Guds eigen son reid med opne auge rett inn i løvens hule. Det kunne ikkje gå bra. Det var ikkje meint å gå bra. For bra for Jesus ville vore fortaping for oss. Maria var den einaste som skjøna kva som skulle til og handla i samsvar med det.

God påske og Guds signing!

---

Publisert i firda.no, fredag 3. april 2009